Goierriko Hitza

2009-06-03 | 17:59:28

Suak erretako Urruzti baserriaren alde festa egingo dute etzi

Zeraingo su-ermandadeak antolatu du Zeraingo eta Zegamako Udalekin elkarlanean eta Amporen babesarekin

Etzi suak erretako Urruzti baserriaren aldeko laguntza-festa egingo dute Zerainen. Festa Zeraingo su-ermandadeak antolatu du Zeraingo eta Zegamako Udalekin elkarlanean eta Ampo kooperatibaren babesarekin.

Ez du erantzunik

2008-12-08 | 18:47:05

Arrondo eta Intxausti bolariak eta Santos tokalaria omendu dituzte

Gipuzkoako Bola eta Toka Eguna ospatu dute Zerainen

Zeraingo Patxi Arrondo eta Mutiloako Juan Intxausti bolariak eta Altzako Jose Antonio Santos tokalaria omendu dituzte gaur (astelehena) Gipuzkoako Bola eta Toka Egunaren barruan. Ohikoa den bezala, bola eta toka lehiaketak ere egin dituzte Zeraingo bolalekuan. Gipuzkoako Bola eta Toka Federazioko lehendakari Luis Aizpeolea zeraindarrak esan duenez urtero bolariak eta tokalariak elkartu eta festa egiteko antolatzen dute eguna. «Baina ez hori bakarrik. Festaren barruan kide batzuk omentzen dira urtero. Hainbeste urtean bolatan eta tokan ibili izanagatik jasotzen dute omenaldia xumea». Gipuzkoako Toka eta Bola Eguna urtero Kontzezio egunean egiten dute, herri desberdinetan. Omendutako kideetako bat, Patxi Arrondo, Zeraingoa delako aukeratu dute aurten Zerain eguna ospatzeko. Omenaldien garaian Arrondok, Intxaustik eta Santosek oroigarri bana jaso dute. Liernin (Mutiloa) bazkaldu dute gero Gipuzkoako bolari eta tokalariek, lagun artean.

Ez du erantzunik

2008-09-22 | 17:38:31

Jende asko bildu du Zerainen azoka ekologikoak

Aurten protagonismoa sagardoak izan du

Eguraldia lagun zela, jende ugari bildu zuen Zerainen egiten den Gipuzkoako Nekazaritza Ekologikoaren XIV. Azokak eta horrenbestez, pozik dira antolatzaileak. Aurten azokako protagonista sagardoa izan zen eta Zerainen bildutakoek goizean hasita sagarrak idiekin nola garraiatzen zituzten ikusi ahal izan zuten. Sagardo-sagarren eta zenbait tresnen erakusketaz gozatzearekin batera bi sagardo ekologiko desberdin ere dastatu ahal izan zituen jendeak. Barrikagile batek bestalde sagardoa gordetzeko barrikak nola egiten diren erakutsi zien.

Ez du erantzunik

2008-06-03 | 18:49:13

Datorren igandean Zerainek XXI. Gipuzkoako Eskola Txikien Festa hartuko du

10:00etatik 18:00etara bitartean ekitaldi desberdinetan parte hartzeko aukera izango dute, jai giroan, bertaratutakoek

Datorren igandean goizeko hamarretatik arratsaldeko seiak bitartean Gipuzkoako Eskola Txikien Festaz gozatzeko aukera izango da Zerainen. Adin desberdinetako jendeari, baina batez ere haurrei zuzendutako egitaraua prestatu dute antolatzaileek.

Ez du erantzunik

2008-03-12 | 19:49:04

Aizpitako adieraztegiak burdinaren inguruko bizimodua aztertuko du

Herritarrek ikusi ondoren, gaur inauguratu dute interpretazio zentroa

Joan den larunbatean zeraindarrek Aizpitako proiektuaren emaitza ikusteko aukera izan zuten arren, atzo egin zen interpretazio zentro berriaren aurkezpen ofiziala. Aizpita Adieraztegian Zeraingo historiaren hiru maila adierazten dira: mendi horretako ingurumenaren bilakaera; burdinaren ustiaketa, eraldaketa eta esportazioa eta azkenik, meatzearen ustiakuntzaren eragin ekonomiko eta soziala.

Ez du erantzunik

2006-05-04 | 15:51:20

Goierriko lau "eskola txikiek" Zerainen ospatuko dute igandean euren festa

Olaberria, Itsasondo, Gabiria eta Zeraingo eskoletakoak bilduko dira

Egun osoko festa antolatu dute igande honetarako Zerainen. Landa eremuko biztanleko gutxiko herrietako ikastetxeek, "eskola txiki" deituek, eskualde mailako jaialdia egingo dute. Ezaugarri horietako lau ikastetxe daude Goierrin: Olaberrikoa, Zeraingoa, Gabiriakoa eta Itsasondokoa. Elkarrekin pasako dute eguna, herri txikien bizitasuna aldarrikatuko dute, eta eskolek herriaren nortasuna sendotzeko duten eginbeharra.

Ez du erantzunik